ကိုယ်ရေးအကျဥ်း

• ဒေါက်တာမျိုးမြင့်သည် ၁၉၈၃ ခုနှစ်တွင် သိပ္ပံဂုဏ်ထူးဘွဲ့ (ဘူမိဗေဒ) ကိုရန်ကုန်တက္ကသိုလ် မှရရှိသည်။ ထိုမှတဖန်၊ ၁၉၉၀ ခုနှစ်တွင် မဟာသိပ္ပံဘွဲ့ (ဘူမိဗေဒ) ကို ရန်ကုန်တက္ကသိုလ် မှရရှိသည်။ ၁၉၉၇ ခုနှစ်တွင် ပါရဂူဘွဲ့ကို ဂျပန်နိုင်ငံ၊အီဘာယာကီပြည်နယ်၊ စူကူးဘားတက္ကသိုလ်၊ ဘူမိသိပ္ပံဌာန မှရရှိသည်။ ၂၀၀၉ မှ ယနေ့ထိ၊ ကနေဒါနိုင်ငံ၊ အယ်လဘာတာပြည်နယ်ရှိ APEGA (Association of Professional Engineers and Geoscientists in Alberta) တွင် ကျွမ်းကျင်အတတ်ပညာရှင် (Professional Geologist) အဖြစ်လည်း မှတ်ပုံတင်ထား သည်။

• ရန်ကုန်တက္ကသိုလ်၊ ဘူမိဗေဒဌာနတွင် သရုပ်ပြဆရာအဖြစ် ကိုးနှစ်ခန့် တာဝန်ထမ်း ဆောင် ခဲ့သည်။ ပညာတော်သင်ခရီးကြောင့် အလုပ်မှနုတ်ထွက်ခဲ့သည်။ ၁၉၉၇ မှ ၂၀၀၂ ခုနှစ်ထိ၊ စက်ာပူနိုင်ငံ ၏မြေအောက် မီးရထားလမ်း၊ မြေ အောက်ရေဆိုး နှင့် လျှပ်စစ်ဓါတ်အားလိုင်းများဆောက်လုပ်ရေး လုပ်ငန်း များတွင် ဘူမိဗေဒ နှင်ံ့ သက်ဆိုင်သောလုပ်ငန်းများတွင်တာဝန်ထမ်းဆောင်ခဲ့သည်။ ၂၀၀၂ မှ ၂၀၁၆ ခုနှစ်ထိ၊ ကနေဒါ၊ အမေရိက၊ အီရတ်၊ မလေးရှား၊ မြန်မာနိုင်ငံ တို့တွင် ရေနံရှာဖွေရေးနှင့် တူးဖေါ်ရေး လုပ်ငန်းများ တွင်ပါဝင် ဆောင်ရွက်ခဲ့သည်။ ၂၀၁၆ မှ ၂၀၂၀ခုနှစ်ထိ၊ မလေးရှားနိုင်ငံ၊ ပီရတ်ပြည်နယ်၊ Universiti Teknologi Petronas (UTP) ၏ ဘူမိဗေဒဌာနတွင်၊ တွဲဘက်ပါမောက္ခအဖြစ် တာဝန် ထမ်းဆောင်ခဲ့သည်။

• ၂၀၂၁ ခုနှစ် တွင် မြန်မာနိုင်ငံ၏ပညာရေးအထောက်အကူဖြစ်စေရန်၊ အွန်လိုင်းပညာသင်ကြားရေးကို အ ကောင်အထည် ဖေါ်ဆောင်ရွက်ခဲ့သည်။